السبت، 22 مايو 2010

الدولاب في أجازة

اعلان

المدونة مغلقة حتى اشعار آخر

قررت أقفلها لأنها زي ما عنوانها بيقول

دولاب مليان هدوم

و الهدوم اللي مالية دولابي دلوقتي كلها حزن و هم

مش عارفة أكدب أو اكتب حاجة تفرح اللي بيقرأ

عشان كده حتفضل مقفولة إن شاء الله

لغاية ما تحصلي حاجة حلوة اكتبها

لأن محدش له ذنب يقرى الكلام ده
بالتوفيق في الإمتحانات

الثلاثاء، 4 مايو 2010

الاثنين، 3 مايو 2010

يميني , شمالي

مشكلة البنات الرئيسية هي العاطفة الجياشة الزيادة اللي عندهم

لو فيه شركة و كل مجلس إدارتها سيدات

و جم فجأة كلهم اللي حبيبها مزعلها و اللي شافت فيلم حزين و اللي نفسيتها تعبانة 

بتلاقي المؤسسة بتنهار

ما كنتش بتصور أبدا ان ممكن العاطفة عند البنات تكون سبب في فشلهم أو سبب في سقوط المشاريع اللي بيشتغلوا فيها

عشان كده دايما لازم يكون فيه توازن

ما بقتش فاهمة نفسي خالص بقالي فترة 

فجأة زعلانة 

فجأة فرحانة 

فجأة مش عارفة

أحيانا مش بلاقي مبرر حتى أقوله لو حد سئلني مالك ؟؟

لأن أنا نفسي معرفش مالي 

ببقا مش فاهمة حتى أنا وشي مرسوم عليه ايه ؟؟

ببقا مش حاسه بحزن لكن تقريبا وشي , عنيا بيقولوا حاجة تانية

اكتشفت اني في الفترة الأخيرة ممكن أغير المود بتاعي بسهولة عن طريق اني أشغل أغنية 

أسمع موسيقى , أتفرج على حاجة , حسب بقا عايزة أيقى حزينة , مبسوطة 

ممكن أنكد على نفسي بكل سهولة و ممكن أبسط نفسي كمان

بس الحقيقة اني أنا نفسي ما بقاش عارفة أنا عايزة ايه أصلا ...

على راي الأغنية الهابطة

احساس غريب معرفش مالي

ما بقتش عارف يميني من شمالي