إزيكم ؟؟؟؟؟؟؟؟
وحشتوني خالص
معلش أنا عارفة إني مش بكتب من فترة
بس كنت مشغولة في حاجات كتير
جا على بالي النهاردة سؤال
و هو إذا كان في إيدي أرجع بالزمن لأي وقت أنا عايزاه من حياتي
و أكمل من بعده
حختار أي سنة بالضبط ؟
هل حختار الإبتدائي ؟
أرجع طفلة كل همي الألعاب و الأتاري و السيجا و الكرتون ؟
ما أنا لسه بلعب بكل ده أصلا و أنا طول الباب ههههههه
طب ما ساعتها حبقا أذكى صحابي بقا و الأولى على مدرستي
و كل حاجة ضايقتني قبل كده حتجنبها
مش مستاهلة برضه
طب أرجع لموقف معين أصححه ؟
أرجع لإحساس حسيته و أمنعه ؟
أو أرجع لحد معرفتش أخد حقي منه و أخده ؟
ما لقتش حاجة معينة نفسي أصححها
في حاجات كتير في حياتنا حصلتنا
ظلم أتظلمناه
حق ما أخدناهوش
كلام إتقال علينا
ناس ضحكوا على عقولنا و قلوبنا
ناس لعبوا بمشاعرنا و جرحونا
ناس خانوا صداقتنا
حنلاقي و لا مليون حاجة كان نفسنا نقولها في يوم
و ما قلناهاش
فكرت كده
يمكن كل اللي حصل قبل كده
مهما كان وحش أو حلو
هو سبب اللي أنا فيه دلوقتي
كل موقف بيعدي على البني آدم
سبب في تكوين شخصيته الموجودة حاليا
كل حتة منك بتكون بسبب حاجة حصلتلك
حاجة سمعتها , حستها أو كنت عايزها
عشان كده رأيي إن اللي فات لازم يتنسى
نعيش على أمل إن بكرة أحسن إن شاء الله
رمصان كريم نانسي
ردحذف^__^
اكيد بكرا احسن طالما احنا لسا عايشين
وقادرين نحلم ونحب
معاكى حق بجد !!
ردحذفأى حاجة مرينا بيها سواء حلوة أو وحشة هو اللى وصللتنا للى احنا فيه دلوقتى
فالواحد المفرةض يسعى لمستقبله مش يفكر فى ماضيه
تسلم إيدك :)
تشاك , الله أكرم , كل سنة و إنت طيب :)
ردحذفيا رب فعلا بكرة و كل المستقبل يكون أحسن و أحسن :)
رضوى تسلمي يا قمر على مرورك على مدونتي
و فعلا لازم الواحد ينتبه للي جاي و يسيب اللي راح لأن مفيش حاجة ممكن تصلح :)
لو خيروني اختار اي صندوق.. هاختار برضة صندوقي..
ردحذفلانه بتاعي انا وبس..
عشان كده لو رجعت للماضي ها اختار اعمل كل حاجة من تاني لان اي تغيير في حاجة وحشة حصلت.. ممكن يترتب عليه حاجة حلوة (ماتحصلش)..
فا عشان كده هاتعلم من الماضي للي جاي (بكرة) وده اللي ممكن اغير فيه :)
صباحك قرنفل نانسي :)
تيمو
آسف على الازعاج
شكرا على نصيحة المتصفح :)
ردحذفتيمو :)
ردحذففعلا عندك حق , أي تغيير مهما كان صغير بيأثر على حاجة تانية
و العفو أنا معملتش حاجة كده أحسن عشان تعلق براحتك من غير ما توقع :)