كبداية لسلسلة " هو فعلا "
كانت الفاجعة
هو فعلا الحلوانية في رمضان بيمتنعوا عن خبز ي شيء يحتوي على ذرة ملح فيه ؟؟
كانت الإجابة أي نعم فعلا
صاحبتكم جالها هبوط ماشية غلبانة نفسها في حاجة مالحة
بعد أطنان الكنافة و بحيرات القطايف و جبال البسبوسة
و الغرق في العناب و الشرقة في السوبيا و الإنتحار بالخروب
خلاص مش قادرة يا ناس حموت على حاجة مالحة
ملح
ملح
عايزة ملـــــــــــــــــــــــــــــــــح
أدخل حلواني أطلب باتيه جبنة
" مفيش يا فندم "
طب ساليزون ؟؟
" مفيش يا فندم "
طب شوية ملح و النبي اهيء اهيء اهيء
" معلش يا فندم مش بنعمل أي موالح في رمضان إلا بالطلب قبلها بيوم "
طب هو أنا حعرف ان بكرة حتيجي نفسي على حاجة مالحة ؟
أنا قلت أمال أكبر حلواني في اسكندرية على ايه !!!!!!
مشيت و أنا بشتم بفتكر الراجل مقصر في آداء وظيفته الحلوانية
و ماشية بغني
" اللي بنا بنا مصر و كان في الأصل حلوانــــــــــــــــــــــــــــــــي "
مصر مليانة حلوانية هو مفيش غيره يعني ؟؟؟؟
و بعد تلات أربع حلوانية عرفت ان ده قانون طبقه قراقوش في عهده
أيام ما منع الملوخية و أجبر الناس تنام بالنهار و تصحى بليل
ساعتها هو منع صناعة أي موالح في رمضان
و حكم على مرضى الهبوط بالموت حرمانا من الملح
مواهاهاهاهاهاهاهاها ( دي ضحكة قراقوش الشريرة بالمناسبة )
سلام على كده :)
هههههههههههه تصدقى حاسس انى بتكشفك من جديد انا كنت غبى قوووى والله..انا ماكنتش اعرف ان دمك خفيف كدا ههههههه تستهلى 1205 لايك
ردحذف