إزاي تعرف إنك بتحب بجد ؟
لما قلبك يدق و تحس بإحساس غريب في معدتك كل ما سمعت اسم اللي بتحبه
لما تصحى من النوم أول حاجة تفكر فيها
يا ترى حبيبك بيعمل ايه دلوقتي ؟
لما تتدايق لو سمعت ربع كلمة غلط تخصه
و تدافع عنه بكل قوتك
لما تكره حد يتدخل بينكم
لما تبقوا واقفين في نفس المكان و كل واحد مشغول في حاجة
بس بتبصوا لبعض من تحت لتحت
لما تحس إنك بتغير عليه حتى من نفسك
لما كل ما تشوفه قلبك يضحك قبل وشك
لما تتبسط لمجرد إنك تسمع صوته حتى لو مش بيكلمك
لما تبقى حافظ صوت ضحكته ,
بتعرفها من بين ألف ضحكة و ضحكة
لما تبقى عارف ايه اللي بيبسطه و بتعمله
و ايه اللي بيزعله و بتبعد عنه
لما تبقى محترمه و مراعي ربنا فيه حتى و هو مش حواليك
لما تبقى بتدعيله في كل سجدة إن ربنا يحفظه و يريح قلبه
لما تصبر عليه و تتمناله الخير دايما
لما تحس مرة إنه باباك و مرة ابنك
و مرة حبيبك و مرة صديقك
لما تقع في مشكلة و ما تفتكرش غيره يساعدك
لما تبقوا مختلفين عن بعض بس بتحبوا اختلافكم
لما تحب الحاجة اللي بيحبها و تحاول تتعلمها
لما تفرح بأي حاجة مشتركة بينكم
لما تنادي الناس بإسمه بالغلط
لما تبقى بتتكلم في حاجة و لما تشوفه فجأة قدامك تتلخبط
و ما تبقاش مجمع انت كنت بتقول ايه أصلا
لما تبتدي تحس إن الحب دي حاجة قليلة عليه من الأساس
لما ما تشوفش مستقبلك مع حد تاني
لما تبقى أمنية حياتك طفل صغنون شبهه و بإسمه
لما تتخيل نفسك بترقص سلو معاه يوم فرحكم
لما قلبك يتقطع لو تخيلته مع حد تاني غيرك و لو للحظة
لما تحس إنه هدية ربنا ليك
لما تحس إن أي حاجة شفتها قبل كده مالهاش معنى
و إن عمرك ابتدى من يوم ما حبك
لما تبقى بتحب ريحته , شكله , طوله ,
لبسه , هواياته , ضحكته , أخلاقه
حتى أهله اللي ما تعرفهمش بتحبهم عشان جابوه للدنيا
لما تبقا حتتجن لو حسيت إنه تعبان
لما تبقى عارف تتعامل مع عيوبه
و ما عندكش مشكلة فيها
لما بتحب تسمع كلامه
لما تقدر اهتمامه بيك
لما تحس إنه حتة منك
لما تبقى مشاكله تهمك
لما تبقى راحته أهم حاجة عندك
لما تكره تشوف دمعة نازلة من عينيه
لما تفضل تهلس و تبذل أكبر مجهود عندك
بس عشان تشوف ضحكته على وشه
لما تبقى خايف عليه من كلام الناس
و خايف عليه من نفسك و من نفسه
بإختصار
لما تبقى حياتك شخص واحد
و شخص واحد هو حياتك كلها
هو ينفع انا اكتب رأى فى المقالة دى من غير من غير ماقول اسمى لااى سبب من الاسباب افضل اكون مجهول حاليا.لو ينفنع هابقى سعيد جدا. لو مش هاينفع اسف لو كان كلامى ضايقك ومش هاكتب حاجه تانى هاقرأ كل الجديد بس من غير ماقول راى مع انى تقريبا قريتها كلها.
ردحذفطول ما رايك يقال بإحترام و من غير مضايقة ليا او للقراء فأكيد حيكون مرحب بيه في المدونة.
ردحذفمتشكر قووووووووى لذوقك
ردحذفالمقاله دى رائعه قووووووى واسلوبك اتحسن قووووووووى تسلم ايدكى (مجهول)o0)>DD)
والله مش هاكتب اى حاجه تضايقك او تزعلك لو فكرت فى كدا يااارب اموت قبل ماعمل كدا
ردحذفبوست جميل
ردحذفازاى عرفت انى بحب.
ردحذفلما تبقى بتعاملها على اساس انها ملائك وتحس انها مش بشر ومش ممكن تزعل او تتضياق
لما يجى وقت اليوم كله مش بتفكر غير فيها حتى لو مش بتكلمك
لما تحس انك نفسك تكلمها وهى نفسها تكلمك بس كبرياء كل واحد مانع التانى رغم انه حاسس انه كل يوم بيموت اكتر من اليوم الى قبله
لما تحصل مشكله صغيره وبسبب طيبة و برائة الطرفين مايتكلموش
لما تحس انها والدتك فى وقت كبير وحبببتك فى وقت اكبر لما تكلمها وتخاف عليها زى اختك واكتر
ولما تحس انها عايشه جواك
لما فى يوم من الايام كنت مقتنع ان والدتى اغلى حاجه وفجأه اكتشف انها مش لوحدها الى بقت فى المكانه دى
لما تاكل او تشرب وتسرح بخيالك وتفضل تقول من جواك والله وحشتينى جدا جدا على امل ان عالم الارواح ينقلها الكلام لخجلك انك تقولها كدا فى الحقيقه
لما تشوفها فجأه تحس انك مبسوط قووى وبطبنك توجعك وتحس انك عايز تأخدها فى خضنك وتشكوا لبعض نفسكم انك بتعملوا فى بعض كدا ليه رغم حبك ليها وحبها ليك
لما كل يوم وانت بتصلى قيام ليلك تقول يااارب انا مش عايز اعصيك فيها يارب انا بحبها وانت عالم بالى فى قلبى بس مش عايز اخون اهلها يارب انا بخطبها منك انت الى خلقت كل الدنيا وانت الى قلت حقا على الله عون شاب عايز يعف نفسه فعفنى بها وعفها بى
لما تمسك فى ايدك اجنده وكل يوم تكتبلها وحشتينى على امل انها تقرأها فى يوم من الايام
لما بنات يجوا يعرضو عليك الخروج تفضل تضحك وتسيبهم وتمشى .مفكرين نفسهم ملاك شبه الى بحبها
لما تحس ان فيها حاجه مش موجوده فى اى حد غيرها حاجه عمره ماحسها غير فيها
لما تحلم بها وتلاقيها عروستك وايدك فى ايدها وتدعى ربنا يبقى واقع مش مجرد حلم
لما تقرر ان اول والد وبنت هاتسميهم على اسمها
لما تلعب مع اى طفله فيها شبه من حببتك وتتخيل حببتك الطلفله دى وتفضل تحضن فى الطفل لدرجه ان الطفله كمان يحبك
لما تقعد مره مع نفسك وتقول ياااه لو بدلنا دمنا مع بعض ممكن احس انى قريب منها اكتر
لما زعلت هى منه وحب يكلمها ويصاحلها رفضت انها تعرفه وقلتله مش عايزه اكلمك ومن يوميها خايف يكلمها ترفضه تانى ساعتها مش هايقدر يسامح نفسه
كدا عرفت يعنى ايه بحب .لو كلامى بيضايقك مش هاكتب تانى والله
انا وعدت ربنا مازعلكيش انا اسف على الاطاله
صحيح فى حاجتين ناسيتهم..الاولى
ردحذفلما عاهد واتفق مع نفسه على حاجه
ان لما يزعلوا من بعض يجيبو لبعض هدايا بس بطريقه جديده..يعنى الى زعل التانى.التانى يجبله هديه..
مثال توضحيى يعنى مثلا هى زعلته او شتمته مثلا مثلا.او قاللته هامسح بكرامتك الارض مثلا مثلا.(O0).
هو بقا يروح يجبلها هديه وبكدا لما حد ييزعل من التانى يحرجو بعض بالهديه وبكدا مايبقاش حد زعلان من حد. وهو اصلا مجمع 4 هدايا على امل يصحالها .وبكدا مافيش حاجه اسمها زعل.
الحاجه التانيه بقا.سر..توب سيكرت TOPE SRCRT>بالانجليزى سرى جدا(@@)
بقولك ايه يا أحمد يا عاطف , احترم نفسك و مالكش دعوة بيا و لا بمدونتي و طلعني من دماغك و بطل الأمراض النفسية اللي انت فيها دي عشان انا فعلا زهقت منك و حبتدي أدعي عليك في صلاتي , عشان اللي يلاحق بنت و يوهم نفسه انها بتحبه يبقى مريض نفسي و انسان غير سوي محتاج علاج و على فكرة وعدك لربنا انك ما تزعلنيش انت خنته عشرات المرات , لأن مجرد ما بشوف وشك أو بشوف حاجة انت كاتبها في المدونة بتقرف و بزعل , إنت بتحاول تثبت ايه ؟ هو الحب بالعافية ؟ فوق من اللي انت فيه ده , و بطل نفاق , منين بتدعو لربنا و في نفس الوقت تلاحق بنات الناس ؟!! الحمد لله اني راجعة بلدي و حخلص من شرك و شر غيرك ربنا ينتقم منكم كلكم .
ردحذفاخر كومنت .
ردحذفعلى اعتبار ان الشخص دا منافق فعلا.
وعلى اعتبار ان الانسانه دى بتكرهه,
هل لوالوقت الحالى بقا ينفع بالنسه ليه انه الموضوع يبقى فى اطار رسمى.
هل هايبقى الموقف على ماهو .
استغفر الله العظيم يا رب من كل ذنب عظيم , حل عني , إنت بتسمع من أي ودن ؟ إبعد عني , مش رجولة أبدا إنك تفضل حاطط واحدة كارهاك في دماغك , دي أسمها أمراض نفسية , ابعد عني .
ردحذفاسف.
ردحذفالى ريحيك انا هاعلمه.وعد مش هادخل هنا تانى.
انا بتمنالك كل خير
استودعك الله الذى لا تضيع ودئعه
و الله تبقى عملت خير و بالمرة أنصحك تروح لدكتور نفساني يعالج كبريائك اللي مش راضي يتقبل ان فيه بنت رافضاه من شهور و عايش و واهم نفسه إنها مكسوفة منه .
ردحذفحاضر.
ردحذفالى يريحك هاعمله.
انا ماقلتش بنت مكسوفه.انا بعترف انى عاملت حاجه صح بس بطريقه غلط لقلة خبرتى.واعتذرتلك .
وهافضل طول حياتى عند وعدى والايام هاتثبت كلامى انا مش بغلطك انتى عداكى العيب انا الى غلطان فعلا.استودعك الله الذى لا تضيع ودئعه.خلى بالك من نفسك
جميلة ع فكرة يانانسي
ردحذفممكن ياحبيبتي تراقبي التعليقات واللي مش يعجبك مش تنشريه وريحي دماغك
بس كلامتك تحفة
قلبي سندس أنا عملت خاصية للمراقبة و للأسف ما اشتغلتش معرفش ليه , عموما هو فيلم و خلص الحمد لله , تسلمي على متابعتك .
ردحذف