إزيكممممممممم ؟ وحشتوني قوووووي
جايبالكم خبر حلو
الحمد لله صاحبتكم بقت خريجة كلية نقل دولي و لوجستيات
و محدش يسئلني دي كلية ايه ؟
أحسن ده سؤال يطووووول شرحه P:
حابة بقا أتكلم معاكم في موضوع حيوي شوية
حاسة إني ممكن أسمع شوية تعليقات 100 فل و عشرة بعد اللي حقوله
بس يا جماعة دي وجهة نظري لو فكرتم فيها ممكن تقتنعوا بيها و ممكن لأ
حابة أتكلم عن الحب و الجواز
كتير مننا حب قبل كده , البعض قصته نجحت و كتير قصته فشلت
كتير جرب الحب مرة و اتنين و كتير ما جربهوش خالص من أساسه
و بنات و أولاد كتير بيوصلوا لمرحلة الرضا بالجواز التقليدي
أو بيكونوا مقتنعين بيه من البداية
يعني بيقولك اتجوز انسانة مقتنع بأخلاقها و شكلها
و يقولك اتجوزي واحد تحسي انه حيصونك و يحافظ عليكي
بس هل الموضوع متوقف على كده بس ؟
الأخلاق ؟ الشكل ؟ الإحساس ؟
هل فعلا الجواز أهم حاجة في الدنيا ؟
ما أنكرش اني كبنت ببقا ساعات محتاجة حضن جنين ياخد باله مني
أو حد أفضفضله , أو حد أغلس عليه
بس برضه الموضوع أكبر من كده بكتير
عمركم فكرتم إن الجواز ده عقد خدمة مدى العمر ؟
حلاقي حواجبكم اترفعت و عايزين تشتموني
لأ خليكم معايا للآخر
يعني البنت مننا بتتجوز واحد
تنظف وراه
تغسله هدومه
تاخد بالها منه
تطبخله
تتحمل عصبيته أو بروده
تحمل منه و بطنها تتنفخ
و بعدها تخلف و تربي عياله
تنظف وراهم و تغسلهم هدومهم و بلا بلا بلا , دايرة الخدمة بتوسع
و الراجل نفس الشيء
بعد ما كان برنس
فلوسه لنفسه
حر
بقا بيصرف على زوجته
و بقا مسؤول عن بيت كامل
و مسؤول عن انسانة
ياخد باله منها
يتحملها لما نفسيتها تتعب
يتحمل دموعها اللي مكن تنزل بدون أدنى سبب واضح
يخدمها وقت حملها أو لما تكون تعبانة
و إحنا كستات بنتعب كتير
حتقولولي ما كل اللي بيتجوزا كده
و أهالينا و جدودنا
و دي سنة الحياة
لكن
هل عند الإنسانة طاقة كافية ان يعمل كل ده
لبني آدم يا دوب متقبله ؟
لبني آدم شفته مثلا في جلسة رؤية شرعية و ارتحتله ؟
لبني آدم اتقدملك و شفته عريس كويس و خلاص
لعروسة مامتك شاورتلك عليها ؟
لعروسة سمعت عنها ؟
يعني هل شريك حياتك ده لو مثلا جتله نزلة معوية
و معلش اعذروني على المثال
و معلش اعذروني على المثال
و لقيته بيرجع قدامك كل اللي في بطنه
حتقرف ؟ و لا حتنظف وراه ؟
حتبقى مش عارف تتصرف ؟
و لا حتطبطب عليه أو عليها و تقولوا مش مشكلة كله حيبقا كويس ؟
و لا حتطبطب عليه أو عليها و تقولوا مش مشكلة كله حيبقا كويس ؟
يمكن تكون نقطة تافهه جدا بس دي منظومة حياة
الحاجة الوحيدة اللي حتخليك تنظف وراها أو وراه
و تاخدها أو تاخده للدكتور و هدومه كلها قرف
مش تقبلك ليه
مش مجرد ان شايف أخلاقه حلوة و مستلطفه أو مستلطفها
لأ
الحب هو الحاجة الوحيدة في الدنيا اللي ممكن تكسر كل ده
الحب هو الحاجة الوحيدة اللي بتحول القرف لرحمة
اللي بيحول الخدمة لراحة
اللي بيحول التعب و سهر الليالي و الإهتمام بحد غيرك لسعادة
الحب هو الحاجة الوحيدة اللي بتخليك فعلا تحس
إن اللي قدامك ده منك و انت منه
إن اللي قدامك ده منك و انت منه
تخليك تتغلغل جوا شريكتك و تديلها أحسن ما عندك
تخليكي تنظفي وراه و تخدميه و انتي مبسوطة إنك بتريحيه
تخليك تصرف عليها و إنت بتدعي ربنا يرزقك كمان عشان تبسطها أكتر
تخليكي تشيلي ابنه و انتي مش هامك أي تعب
و لا حاسه انك بتضيعي سنين عمرك على الفاضي
و لا حاسه انك بتضيعي سنين عمرك على الفاضي
و للعلم أنا مش بدعي لقصص حب حرام و لا عيب
و مش بتكلم عن علاقات غير شرعية
أنا من أكبر معارضيها
أنا بتكلم عن ان ممكن في شغلك يكون فيه بنت
إنت بتشوفها كل يوم
إنت بتشوفها كل يوم
بتتعامل معاها , بتحبها من غير ما تتجاوز حدود الأدب معاها
ممكن في كليتك يكون فيه ولد بتحبيه و بتشتغلي معاه
و عمرك مع عملتي معاه حاجة حرام
و عمرك مع عملتي معاه حاجة حرام
ممكن تكون جارتك اللي تعرفها من زمان
أو حد قريبك اتعاملتوا مع بعض كتير
و الأمثلة في الموضوع ده يطول شرحها
ملخص الموضوع إذا مش حتتجوز حد بتحبه و تعشقه
يبقى ما تتجوزش أحسن
عشان عمرنا ما بندي أحسن ما عندنا غير للي بنحبهم بجد .
ليست هناك تعليقات:
إرسال تعليق