فكرت قبل كده إذا كنت بتعرف ترسم ؟
تغني ؟
تعزف ؟
ترقص ؟
تمثل ؟
تنحت ؟
جا في بالي النهاردة حاجة
هل ممكن الواحد يعيش و يموت و هو جواه طاقات ما اكتشفهاش في نفسه ؟؟
هل ممكن إن شخص يكون بيرسم زي الفنانين بس هو ما يعرفش كده ؟؟
هل ممكن حد يكون صوته زي الكراوان بس هو فاكر ان صوته وحش ؟
طيب نبص للموضوع من جهة تانية
مش زي ما الشخص مش عارف عن نفسه الحاجات
اللي حواليه كمان ممكن يكونوا مش عارفين حاجات كتير عنه ؟
مش ممكن تعرف حد
تاكل معاه
تخرج معاه
تذاكر معاه
تشتغل معاه
و انت مش عارف هل هو من النوع الصبور أو قليل الأدب مثلا أو الحالم و امثلة تانية كتير
طب هو إيه حل مشكلة زي دي ؟
هل فيه دكان بيبيع مفاتيح الشخصيات ؟؟
هل على كل واحد انه يجرب كل حاجة عشان يكون متأكد تماما انه معندوش المواهب دي ؟؟
هل على الناس انهم يعيشوا معايا مثلا عشان يعرفوا كل صفاتي ؟؟
طب و منطق الكتاب بيبان من عنوانه راح فين ؟
امتى حنفهم ان كل ده هجص و كلام فاضي
و ان اللي ورى الشكل اللي بنشوفه حاجات مستخبية كتير
ممكن تكون وحشة
و ممكن تكون حلوة
بس احنا علينا نجرب مش أكتر
و ما نضيعش فرص عشان قيم بالية و شعارات قديمة
و الغلط اللي وقعنا فيه مرة نكرره تاني ليه ؟
مش بيقولوا برضه اسئل مجرب و لا تسئل خبير ؟
امتى حنقتنع اننا كويسين كده ؟
و ان مش ناقصنا غير حاجة واحدة
هي رضانا عن نفسنا
بمناسبة اننا نجرب
ردحذفمره واحد عامل نفسه مؤدب حب ينحرف اخلاقيا ويشرب سجاير.
المهم جاب ورقه كبيره من بتوع كرسات الرسم(علشان تبقى سيجاره كبير يعنى)
وقفلوا الباب هو واتنين من ولاد عمه
والاتنين نفخوها يعنى اخدو نفس بسيط وطلبو منه هو بقى ياخد على صدره
الغبى صدقهم انهم بياخدو الدخان على صدرهم وبطيبته طاوعهم
ومره واحده شد نفس كبيييير عنيه احمرت وفضل يكوح لحد ماكان هايموت وحاطو البطنبه فوقهم علشان ماحدش يسمعهم ويتفضحو ومن يومها ههههههه اقتنع ان الانحراف نهايته مش حلوه
اكيد كنت راضى عن نفسى لانى اتعلمت خبره كانت هاتموتنى هههه