أنا النهاردة مبسوطة انبساط مش طبيعي
خايفة أحسد نفسي و الله
ما شاء الله
أولا :
النهاردة وصلت لقراري نهائي لا رجعة فيه يخص مستقبلي
و الحمد لله القرار لقى قبول من أهلي
مش حينفع أحكيلكم القرار معلش البيوت اسرار برضه ههههههههههههههههه
ثانيا :
أما عن اللخبطة اللي كنت فيها امبارح و التخريف اللي كنت كاتباه
فأنا وصلت لحاجة جميلة قوي ,
إنت ممكن تصادف انسان يبقا وحش معاك في حاجة
بس ممكن يبقا حاجة تانية
يعني مثلا ممكن تلاقي شخص ينفع يبقى صديق ما ينفعش يبقى حبيب
شخص ينفع يبقى حبيب ما ينفعش يبقى زوج أو زوجة
شخص ينفع يبقى زميل ما ينفعش يبقى صديق
شخص ينفع يبقى من قرايبك و ما ينفعش يبقى حاجة تانية خالص
يعني فشل انسان معين في تكوين علاقة معينة معاك
لا يعني بالمرة انه مش ممكن يكون معاك علاقة من نوع تاني
بالعكس تماما ممكن اللي شفته ظلمك ده كحبيب ينصفك و يعاملك كويس كصديق
و تكسب بني آدم جديد في حياتك يقف معاك لما تحتاجه و تقف معاه لما يحتاجاك
حاجة تالتة عايزة ألك فيها النهاردة
أنا مبسووووووووووووطة إني رجعت أكتب , الإلهام كان مقطوع عندي بقاله كتير
بس تقريبا الرسم و الأنشطة و رجوعي لصحابي و الخروج و الرحلات رجعوني تاني لطبيعتي
الحمد لله
آخر حاجة بقا و الأهم , مش عايزاكم تعملوا حاجة غصبن عنكم
و ما تجوش على نفسكم عشان حد
و لا تقولوا معلش و تسيبوا حقوقكم
اللي بيضيع في النهاية لحظات حلوة من حياتكم مش حترجع تاني
الحمد لله إنك اتبسطتي ، يا رب تكوني كدة على طووووول
ردحذفبس لا يوجد مكان لل"حبيب" في حياة المسلم الصح ، فهو من اختراع الغرب لتشويه أخلاقنا ونشر الرذيلة زي ما هما مليانين رذائل ، فحبذا لو لم تذكري هذا المثال لأن لا يجب أن يكون له وجود أصلاً :)
وفقك الله لكل خير
و حبذا لو لم تفرض أفكارك عليا , و الحبيب في حياة المسلم الصح على رأيك موجود , ليه مخك راح للحبيب بمعنى الصحوبية و قلة الأدب ؟ ليه ما راحش للحبيب في الحلال ؟ للحبيب في الخطوبة و الجواز ؟
ردحذفأنا مستغربة بصراحة من تعليقك لأن واضح من مدونتي إنها مش مدونة دينية و أفكار كتير منها تعارض تفكيرك , فليه من الأول تتعب نفسك و تقرأ و تعلق تعليق في غير محله ؟
و الحب رزق من ربنا كما قال رسول الله صلى الله عليه و سلم واصفا السيدة خديجة رضي الله عنها " إني رزقت حبها "
ردحذفيعني الحب احساس و رزق من الله تعالى على البني آدم
و الخطأ في ترجمة هذا الحب إلى ما يؤدي إلى المعاصي
أما انك تحرم الحب نفسه و الحبيب فدي مبالغة لا داعي لها و تعنت في الدين و تدخل في حاجة مالكش دعوة بيها بدعوة التدين و النصح و الإرشاد
كلامك دة لم يدل على حب الأزواج
ردحذفمثلا ممكن تلاقي شخص ينفع يبقى صديق ما ينفعش يبقى حبيب
شخص ينفع يبقى حبيب ما ينفعش يبقى زوج أو زوجة (إزاي ينفع يبقى حبيب من غير ما يبقى زوج؟؟؟)
شخص ينفع يبقى زميل ما ينفعش يبقى صديق (ما فيش صداقة بين رجل وامرأة في الإسلام)
ودة لا تشدد ولا تعنت وموجود في القرآن والسنة ولم يختلف عليه أحمد من العلماء
هدانا الله وإياك :)
لو سمحت اللي مش عاجبه كلامي ما يدخلش يقرأه , مش مجبور تقرأ حاجة تدايقك
ردحذفأما عن الحبيب و الزوج , في ناس كتير بتقع في مصيدة انها تحب شخص لمجرد انه خطيبها أو تحب شخص من طرف واحد , أو تحب شخص زميل لها في عمل أو مكان و كل ده حب لا يؤدي إلى زواج و في نفس الوقت لا يؤدي إلى معاصي لأنه لم يترجم إلى اي تصرفات و لم يلاقي قبول عند الطرف الآخر
و لا أظن ان في الكتاب و السنة ما يحرم شعور المرء ناحية شخص آخر , لأن القلوب بين اصبعين من أصابع الرحمن يحركها كيفما شاء , و ديننا لا يحاسب على ما تشعر به بل يحاسب على ما تفعله , بدليل انك لو نويت أن تقتل شخصا لا تزد سيئاتك حبة خردل لأن ديننا دين أعمال و ليس دين نوايا و خبايا قلوب
ارفع القبعه يا نانسى....1205
ردحذفعلى فكرة..انا العميل 1205..ماحدش بيعرفنى غيره..واحده اسمها هههههههههههه وكمان معاها 1205 سلاح ممكن تقتلى به خصوصا حملة 1205 دى حملة عالميه للفرحه والبهجة هههههه
ردحذفهههههههههههههههههه بفكر اخلى حملة نمسك ونعمل وننهض ونحمل الفرحة لكل الناس ..يااارب على طووول فرحو وبهجة يا عميل 1205
ردحذف