اختبار حب صغيور قوي
محتار في حد و مش عارف تصدقه و لا لأ
جرب كده إزبله و ما تعبروش و ترفضه
لقيته فضل جنبك لو حتى بصيغة أخ أو صديق
يبقى فعلا بيحبك
لقيته ما صدق و بدأ يرمي عليك الإتهامات
يبقى الموضوع مش أكتر من طفل حيموت على لعبة
أول ما كان حياخدها كان حيرميها
الراجل تعرفه من خوفه على اللي قدامه
و حنيته و تصميمه
و شبه الراجل تعرفه من استسلامه و تهديده و كلامه الفارغ
الموقف اللي اتحطيت فيه النهاردة اتعرضتله مرة قبل كده
بس الفرق كان واضح قوي
شبه الرجل بدأ يزعق و يقول كلام غير مترابط و يرمي اتهامات كأني مغصوبة أحبه و غلط و حرام أرفضه
و إما أوافق عليه كحبيب يا إما أنا شريرة و وحشة و قلبي إسود
أما الرجل الحقيقي كان رده " اعتبريني أخ ليكي و صديق و أنا مش حدايقك و لا حتصل بيكي تاني , لكن أمانة عليكي لو في يوم احتاجتيني أو وقعتي في مشكلة تتصلي بيا و تقوليلي , حتى لو بعد سنين حتى لو إحنا كل واحد بقا ليه أسرة و بيت , أنا أخوكي و عمري ما أحب أخسر حد حسيت ناحيته بحاجة و يفضل الإحترام بينا طول العمر "
و فعلا أنا و البني آدم ده أصدقاء في الخير و حاليا حيخطب ان شاء الله و أنا ساعدته في خطوبته دي
عشان دي تصرفات البني آدمين الناضجين فعلا
و فعلا أنا و البني آدم ده أصدقاء في الخير و حاليا حيخطب ان شاء الله و أنا ساعدته في خطوبته دي
عشان دي تصرفات البني آدمين الناضجين فعلا
أما الأطفال و أشباه الرجال اتضحلي ان مفيش أمل منهم , حيفضلوا أطفال و أشباه رجال مهما الزمن عمل فيهم
أنا مبسوطة جدا باللي حصل عشان كده ربنا أثبتلي إني صح من الأول خااااالص
أشباه الرجال ليهم الغالبية العظمى للأسف
ردحذف:)
للأسف يا نسمة بقوا أكتر من الرجالة نفسهم
ردحذفجميله...احيكى على حكمك بأنه نص راجل..بس كان ممكن تسألى هو عمل كدا ليه ؟ كان ممكن يكمل متهيالى اسمعى قبل ماتحكمى.ساعات كتير بنحس اننا صح والى قدامنا غلط..كامرحلة اولى..وتيجى مرحله تانيه تثبت ان المرحله الاولى غلط..الخوف من مرحلة تالته تثبت ان الاولى والتانيه غلط..بالنسبة لااخ او صديق..لو نفترض ان الشخص دا.. بقا جزء من حياتك هل تقبلى ان يكون ليه صديقه او اخت تحت اى مسمس دراسى زميله او صحابة؟؟ زى مانتى قبلتى؟ ..لو هو طفل يبقى قلة الكلام افضل.. احيكى 1205 مره على كلامك.اخيرا..فاكر انا وصغير كنت بتمشى مع والدى وكان نفسى انزل البحر بس الدنيا كانت سقعه وصممت انى انزل.. ونزلت بهدومى والدى كان ممكن يمنعنى وحاول بس سابنى اجرب وتعبت شهر بعدها ..من يومها اتعملت ان مش لازم كلها حاجه اجربها علشان احس بها..يارب المعنى يكون وصل واسف على الاطاله يا نانسى. السلام عليكم ورحمة الله وبركاته
ردحذفأزال المؤلف هذا التعليق.
ردحذفللأسف يا أستاذ 1205 , كل واحد فاكر إن الحياة متمحوره حوليه و إن الكتابة بتاعتي بتتكلم عنه , كأن مفيش في دنيتي بني آدمين غيره , غرورك و سطحيتك اللي صورتلك إن الكتابة دي عنك إنت ... أنا أسفة , بس مش ليك < أسفة على حالك و أمراضك النفسية اللي خلتك تفتكر إن الكلام ده عنك .
ردحذفماكانش قصدى اضايقيك.بس ربطت الاحداث ببعضها.وانا كدا بنائا على كلامك غلطان فعلا..انا اتسرعت معلش
ردحذف