حاصل اليومين دول إن اللي بيستخدم الإنترنت بالموبيل مودم مش بيقدر يفتح برنامج سكايب
كل الناس فاكرة ان الموضوع مشكلة عندهم , أو حاجة تقنية خلاص
و اللي اكتشفوه إن الشركات منعت الموضوع ده !!!!!!!
احنا عايشين فين بالضبط عايزة أعرف ؟؟
لما يمنعوا وسيلة تواصل زي سكايب بين الناس ؟؟
بالذات ان الشعب المصري لازم بتلاقي في كل كام عيلة حد مهاجر و حد مسافر و حد بيدرس بره
يعني محتاجين كل طرق التواصل الممكنة بين البشر
و اللي كان برنامج زي ده بيوفرها ببساطة و يريح الناس من تكلفة المكالمات الدولية العالية
أما بقا اللي بيسئل عن السبب فاللي عرفته إنه عشان الإنتخابات و الرقابة عليها
و ان فيه تحركات و أحزاب و ناس كتيرة بتعمل شبكات سياسية و نقاشية على الإنترنت
و لما لقوا سياسة الإستخدام العادل مش نافعة و إن الناس بتقعد برضه و بتدفع و ما بيهماش
قرروا يحدوا من الموضوع بإنهم يراقبوا و يخففوا من قعدة الناس على اليو اس بي مودم
طيب ناويين بعد كده على ايه ؟؟
يقفلوا الفيس بوك و التويتر بالمرة ؟؟
و لا يقطعوا كابل الإنترنت كله و يريحوا نفسهم ؟؟
يلا بقا نرجع للقرون الوسطى و للحمام الزاجل عشان يرتاحوا
و الله لو عملوا ايه بالذي , الناس برضه بتعرف تتواصل و اللي عايز يعمل حاجة غلط بيعرف يعملها
ارحمونا بقا دي حاجة تخنق
"اللي عايز يعمل حاجة غلط بيعرف يعملها"
ردحذفإنتي شايفة إن اللي بيعملوه ده غلط؟ولا إنتي قصدك عامةً؟
أنا بتكلم بشكل عام يا عثمان و بتكلم عن اللي بيستخدوا الإنترنت عشان الحركات الإرهابية و التجمعات الغير مشروعة , هم بيقولوا انهم بيحدوا من الإنترنت بسببهم لكن الحقيقة انهم بيحدوا منه عشان الإنتخابات مش أكتر
ردحذف