الثلاثاء، 20 ديسمبر 2011

الأيام

تمر الأيام سريعا

لا نشعر بها

لكننا دوما ما نشعر بشيء غريبٍ يستمر معنا

انها تلك الغصة 

غصة الألم الممزوج بالتفاؤل

كيف تتسائلون ؟

ذلك الشعور المحزن الذي يتملكك كلما ضحكت

أو الضحكة التي تكذب بها على نفسك و توهمها أنك من أسعد الأشخاص على وجه الأرض

الذكريات المتراكمة تلكزك كلما ظننت أنك على مفترق طرق جديد نظيف و آمن

تضحك و تضحك و تضحك

يظنك الناس معدوم المشاعر

شخص لا مبالي 

سعيد مرتاح البال

لكن كل ما تحتاجه هو الإختلاء بنفسك

لتعقد جلسة الحزن و البكاء التي اعتدت عليها

فهي تريحك من الكثير

تتخلص مع كل دمعة من الآلام و اللأحزان

تتنفس الصعداء و تغمض عينيك مستسلما للنوم

تستيقظ و قد بللت دموعك وسادتك 

تضحك و تقول 

أتاري الجو كان طراوة طول الليل 





ههههههههههههههههههههه عارفة حتشتم بعد النهاية دي 
بس و الله كنت حزينة في بداية الموضوع بعدين قلبت معايا بضحك أعمل ايه ؟



الاثنين، 19 ديسمبر 2011

الأمل

استيقظت كعادتها قبل رنين جرس المنبه ببضع دقائق

اعتادت التكاسل في فراشها قليلا ريثما تستجمع قواها من جديد

تظن في مخيلتها أن بضع دقائق أخرى قد يدفئون جسدها البارد المنهك

كم هو من صعب أن تستيقظ و أنت فاقد الثقة في الجميع 

الخيارات أمامك متعددة

فيهمس ضميرك و عقلك

استيقظ 

أمامك الحياة كبيرة 

الاحلام كثيرة 

و الخير متاح للجميع

اعمل و اجتهد و ابحث

اصبر ستجد ضالتك

تحمل ستجد ذلك الصدر الحنون الذي طال انتظاره

ستراه اليوم , غدا أو بعد غد



تلبث تفكر لثوانٍ قليلة

فتهمس نفسك في أذنك 

أكمل نومك لا أحد يستحق اهتمامك

لا شيء يستحق شوقك و لهفتك

لن تجد من يحبك و يهتم بك 

أسرارك ستفضح 

ستحاسب على أحلامك 

ستسرق الطمأنينة من قلبك

ستجد نفسك وحيدا شريدا بين الذئاب و الكلاب

في غابة كبيرة موحشة تسمى الحياة

لن يسمع أحد تنهيدك 

لن يكترث أحد لمعاناتك و آلامك

عدوك سيفرح بفرصة جديدة للنيل منك

و من تظنهم أصدقائك سيفرحون بفرصة جديدة لإستغلالك

سيلعب ذاك بمشاعرك

و يتلون ذاك بقناع الطيبة ليخدعك

و يكسر آخر ما تبقى من ثقتك بنفسك

و في النهاية ستبقى وحيدا 

صديقك المواقف المؤلمة التي واجهتها



و الذكريات التي شوهتها الايام


تجد نفسك في صراع بين قرار الحياة أو الموت حيا

تستجمع قواك 

تأخذ نفسا عميقا

و تقرر المواصلة 

لن يحدث أسوء مما مررت به

ماتت مشاعرك آلاف المرات من قبل

ماتت روحك

لن يتكمن أحدهم منك مرة أخرى

لا شيء أمامك لتخسره

سوى الأمل 

إذا خسرته

ضاع معه كل شيء



الأربعاء، 14 ديسمبر 2011

الدولاب اتفتح تاني

أنا النهاردة مبسوطة انبساط مش طبيعي 
خايفة أحسد نفسي و الله

ما شاء الله

أولا :

النهاردة وصلت لقراري نهائي لا رجعة فيه يخص مستقبلي 
و الحمد لله القرار لقى قبول من أهلي 

مش حينفع أحكيلكم القرار معلش البيوت اسرار برضه ههههههههههههههههه

ثانيا :

أما عن اللخبطة اللي كنت فيها امبارح و التخريف اللي كنت كاتباه 
فأنا وصلت لحاجة جميلة قوي ,
 إنت ممكن تصادف انسان يبقا وحش معاك في حاجة
بس ممكن يبقا حاجة تانية 
يعني مثلا ممكن تلاقي شخص ينفع يبقى صديق ما ينفعش يبقى حبيب
شخص ينفع يبقى حبيب ما ينفعش يبقى زوج أو زوجة
شخص ينفع يبقى زميل ما ينفعش يبقى صديق
شخص ينفع يبقى من قرايبك و ما ينفعش يبقى حاجة تانية خالص

يعني فشل انسان معين في تكوين علاقة معينة معاك 
لا يعني بالمرة انه مش ممكن يكون معاك علاقة من نوع تاني 

بالعكس تماما ممكن اللي شفته ظلمك ده كحبيب ينصفك و يعاملك كويس كصديق 

و تكسب بني آدم جديد في حياتك يقف معاك لما تحتاجه و تقف معاه لما يحتاجاك 


حاجة تالتة عايزة ألك فيها النهاردة
أنا مبسووووووووووووطة إني رجعت أكتب , الإلهام  كان مقطوع عندي بقاله كتير 

بس تقريبا الرسم و الأنشطة و رجوعي لصحابي و الخروج و الرحلات رجعوني تاني لطبيعتي
الحمد لله 

آخر حاجة بقا و الأهم , مش عايزاكم تعملوا حاجة غصبن عنكم 

و ما تجوش على نفسكم عشان حد 
و لا تقولوا معلش و تسيبوا حقوقكم 
اللي بيضيع في النهاية لحظات حلوة من حياتكم مش حترجع تاني


الثلاثاء، 13 ديسمبر 2011

لعبة الزمن



أحيانا الواحد بيحس إن التاريخ بيعيد نفسه بطريقة مبالغ فيها

يعني ما تفهمش إزاي و ليه و عشان ايه ؟

كأن مسرحية كبيرة بتحصل و إنت مجرد ديكور تروح و تيجي فيها 

و الغريب ان اللي كنت بتعتبره قبل كده غلطة و عدت 

تحس انك ممكن تغلطها تاني و مستعد تتحمل عواقبها 

رغم انك شاكك بنسبة 99 في المية من فشل اللي بتفكر فيه 

لأن اللي معرفش قيمتك مرة أكيد مش حيعرفها تاني

بس ترجع تفكر , الهم يركبك من فوقك لتحتك و تحس بخنقة

بين صراع بين أجرب و ما أجربش 

بين احساسين , احساس غريب مش فاهمة و احساس بيقولك خليك بعيد 

قلبك أصلا ما بقاش فاضل فيه اللي ممكن يستحمل تجارب

تحس ان مهما الزمن مر عليك 

مهما ضحكت و بكيت و عدت عليك لحظات حلوة و ذكريات وحشة 

و عشت و نسيت و جربت تاني و تالت

الزمن بيجي يقولك فجأة , أوقف عندك , بص قدامك 

و تلاقي نفسك في موقف مكنتش متوقعه

موقف رسمته في خيالك خمسيت مرة 

في الأول توقعت انك أصلا حتعامل اللي قدامك بشكل وحش كأنك ما تعرفوش

و مع مرور الوقت توقعت انك حتمسك نفسك و تتعامل عادي و خلاص 

و في النهاية بعد مرور وقت طويل  توقعت انك حتضحك و تاخد الموضوع عادي

لكن تتصدم بالحقيقة , إنك لما اتحطيت في الموقف بقيت عايز الأرض تتشق و تبلعك

بقيت مش فاهم انت عايز تضحك و لا تعيط و لا تنجز و تجري

بالعربي كده تنحت و سقعت و ما بقتش عارف تعمل ايه 

خلاصة القول اننا لعبة القدر , مكتوبلنا حاجات غريبة تحصلنا

أكيد وراها حكمة معينة , يمكن مش عارفينها بس أكيد مسيرها تبان قدام 

يمكن أكون حاسة اني لازم أعمل حاجة 

بس كل اللي عملته قبل كده جا على دماغي , عشان كده قررت ما أعملش حاجة 

و أسيب الناس هي اللي تعمل 

و في النهاية اللي ربنا عايزة حيكون

الخميس، 27 أكتوبر 2011

شوكة


إزيكم ؟
وحشتوني و الله الدراسة مانعاني أتواصل معاكم معلش اعذروني النهاردة كنت قاعدة كده في حاليبذاكر و بتصفح النت و حاسه بحاجة بتشوكني في دراعي فقمت نفضت الكنبة رجعت ايدي على دراع الكنبة برضه حاجة بتشوكني
و كررت تنفيض و تنظيف الكنبة بتاع أربع مرات 

لغاية ما زهقت 
بلمس ايدي لقيت الحاجة اللي كانت بتشوكني داخلة فيها لقيت حتة خشبة صغيرة خالص لازقة في ايديالمهم فكرت كده شويةيعني أنا لومت على الكنبة و اعتبرت ان أكيد العيب فيها
و حاولت أغير فيها أربع مرات

و في الأربع مرات ما جاش في بالي ان العيب ممكن يكون جاي من عندي


يعني لو كنت من الأول افترضت ان العيب فيا و لمست ايدي
و طلعت منها الخشبة كنت وفرت على نفسي تعب التدوير عليها في الكنبة


نستفيد ايه من القصة اللي ممكن الناس تشوفها هبلة دي ؟


إننا دايما كده , بنفترض ان العيب جاي من  اللي قدامنا نفترض ان المشاكل مصدرها الناس 

مش بييجي في بالنا أبدا اننا ممكن نكون سبب المشكلة من الأول 


ليه لما بتحصل مشكلة نجري نقول ده كله من تحت راس فلان
ليه بنلوم على الظروف ؟
بنلوم على البيئة ؟

بنلوم على الناس ؟


ليه ما نعملش كل اللي علينا و نبدأ بنفسنا و بعد كده نبدأ بغيرنا

و الله لو كل واحد فينا قرر انه يتصرف في أي مشكلة تحصله
و تابعها بنفسه و صلحها 
دنيتنا كلها حتتغير

أما التواكل و التفكير في ان أكيد المشكلة بسبب حد تاني

ده اللي مودي شعوبنا العربية ورى


افتكرت قصة الملك اللي حط صخرة كبيرة في الطريق العام
و كل اللي يعدي من جنب الصخرة يشتم في اللي حطها و يمشي
لغاية ما جا فلاح بسيط و شمر كمامه و شالها
و لقى تحتها كنز و دهب و مجوهرات و ورقة مكتوب عليها
" هدية للشخص الإيجابي الذي حاول حل المشكلة " 


الأحد، 21 أغسطس 2011

الزمن

إزيكم ؟؟؟؟؟؟؟؟
وحشتوني خالص
معلش أنا عارفة إني مش بكتب من فترة
بس كنت مشغولة في حاجات كتير

جا على بالي النهاردة سؤال 
و هو إذا كان في إيدي أرجع بالزمن لأي وقت أنا عايزاه من حياتي
و أكمل من بعده
حختار أي سنة بالضبط ؟

هل حختار الإبتدائي ؟
أرجع طفلة كل همي الألعاب و الأتاري و السيجا و الكرتون ؟
ما أنا لسه بلعب بكل ده أصلا و أنا طول الباب ههههههه


طب ما ساعتها حبقا أذكى صحابي بقا و الأولى على مدرستي
و كل حاجة ضايقتني قبل كده حتجنبها 

مش مستاهلة برضه


طب أرجع لموقف معين أصححه ؟
أرجع لإحساس حسيته و أمنعه ؟
أو أرجع لحد معرفتش أخد حقي منه و أخده ؟

ما لقتش حاجة معينة نفسي أصححها


في حاجات كتير في حياتنا حصلتنا

ظلم أتظلمناه

حق ما أخدناهوش

كلام إتقال علينا

ناس ضحكوا على عقولنا و قلوبنا

ناس لعبوا بمشاعرنا و جرحونا

ناس خانوا صداقتنا 

حنلاقي و لا مليون حاجة كان نفسنا نقولها في يوم

و ما قلناهاش 

فكرت كده

يمكن كل اللي حصل قبل كده 

مهما كان وحش أو حلو

هو سبب اللي أنا فيه دلوقتي

كل موقف بيعدي على البني آدم

سبب في تكوين شخصيته الموجودة حاليا

كل حتة منك بتكون بسبب حاجة حصلتلك

حاجة سمعتها , حستها أو كنت عايزها

عشان كده رأيي إن اللي فات لازم يتنسى

نعيش على أمل إن بكرة أحسن إن شاء الله


الجمعة، 22 يوليو 2011

جزيرة

كم تمنيت الحياة على جزيرة خالية من البشر

خالية من الشرور و المطامع

لا شيء فيها سوى النخل و الشجر 

أرانب بيضاء تلعب

عصافير توقظني في الصباح

بدلا من إزعاج منبهي اليومي

الذي باتت رنته كالكابوس الذي لا ينتهي

و إذا نسي العصافير الزقزقة على باب كوخي

ستجد الشمس تتسلل على خدي فتدفئه 

فأعرف أن النهار قد طلع

أخرج لألعب في بحيرة الشلال

حيث الأسماك الصغيرة 

و المياه الدافئة 

أنثر نقاط المياه في الهواء

فيظهر قوس قزح أمامي لامعا

أكبر همي ماذا سأأكل في المساء

أكبر آلامي عندما أجرح أصبعي و أنا أقطف الفاكهه

لا أعرف معنى الوحدة 

لأني لا أعرف غيرها 

آلاف الأشياء يمكنني فعلها 

فجزيرتي كبيرة 

و الألعاب كثيرة

و المياه الصافية تحيط بي من كل جانب

أتمدد على الرمال

أغلق عيني

و أنام