مش عارفة أكتب أو أقول ايه
المشكلة لا تتكتب هنا و لا ينفع تتقال أصلا
المشكلة في تعريفي للعلاقات من صغري
أنا عايزة ايه بالضبط ؟؟؟؟؟
لما يبقى قدامي حد مفيهوش غلطة
شكل , جمال , أخلاق , شهادة , عيلة , دين , سن مناسب
مش ناقصه حاجة
لكن أنا نفسيا مش حاسة بحاجة نهائي
طب أعمل ايه ؟؟
هل المشكلة فيا ؟؟
و لا المشكلة في المجتمع ؟؟
يمكن في الإتنين
أنا مش متقبلة فكرة إني أرتبط بحد اختارني قبل ما أختاره
و برضه المجتمع بيفرض على البنات انهم يسكتوا خالص و ما يعبروش عن مشاعرهم
و كل بنت تستنى لما ولد يعطف عليها بكلمة و ساعتها هي يا ترفض يا توافق
ممكن توافق و هي مش بتحبه أصلا
و تبتدي بعد كده تتعود عليه و تحبه بالتدريج
طب هو ده يرضي حد عاقل ؟؟
طب العمل ايه ؟؟
استسلم زي ما باقي البنات بتستسلم للعقل و للمواصفات الرهيبة اللي قدامي ؟؟
و لا أعمل باللي أنا حاسه بيه فعلا و أرفض بكل أدب و احترام ؟؟
طب سيبونا من قصتي دي أنا حتصرف ان شاء الله و يا رب ما أندمش على اللي حعمله
بس ملايين البنات اللي بيحصلهم كده وضعهم ايه ؟؟
و ملايين الولاد اللي فاكرين إن أي حركة من البنت تلميح أو ترحيب
و يفسروا باقي تحركاتها على انها خجل و كسوف ؟؟
يعني لإمتى حنفضل بنفكر كده ؟؟
صحابي بيقولولي انتي بتعاندي نفسك ؟؟
و لا فاكرة ان الرومانسية الزيادة دي حتنفعك في يوم ؟؟
و لا ناوية تفضلي كده على طول عمرك ما حتجربي تعيشي قصة حب ؟؟
طب هو أنا بحب أصلا ؟؟ أنا اتحبيت بس ما حبيتش حد
الذنب مش ذنبي من الأساس
لو حصل في يوم اني حبيت بني آدم و لقيته بيحبني ساعتها مش حنطق
أو على الأقل أكون بكنله مشاعر صداقة و عارفاه من زمان
و حسيت ان العلاقة ممكن تتطور للأفضل
أما حد شافني و يادوب يعرف اسمي و كليتي و علاقة سطحية تماما
ماااااااااااااااا ينفعش
ربنا يصبرنا على حالنا و رجعيتنا بجد في عالم العلاقات
ليست هناك تعليقات:
إرسال تعليق