بعلن العودة الحميدة للبلوج أخيرا
وحشتوووووووني خالص
و ابتدي بخبر حلو كده
مجلة أمواج , مجلة بتصدرها الأكاديمية العربية للعلوم و التكنولوجيا
قرروا يتبنوا مقالة من المدونة في كل عدد ان شاء الله
و عجبتهم فكرة البلوج و الكتابة
أنا مبسوووووووطة خالص
الحمد لله
نرجع لمحور بطيخنا
بصراحة لا ذاكرت و لا انيلت في اليومين اللي فاتوا
قضيتهم كلام في التلفونات , شات مع صحابي
شوية اكتئاب على شوية عراك
و لا عملت أي حاجة مفيدة في دنيتي
غير الطقم اللي اشتريته النهاردة :)
ده حيفيدني جدا مستقبلا ان شاء الله في التضبيط
مواهاهاهاهاها
بصراحة كنت بتلكك عشان ما اكتبش و أنا مش في المود
بس الحمد لله
رجعنا لقواعدنا سالمين
اممممممممممم
ححكيلكم عن حاجة كده اعتقد نوعا ما كلنا بنمر بيها
بس معايا عدت فيها حاجة غلط تمااااااااما
المراحل
كل واحد فينا بيمر بمراحل في حياته
الطفولة , المراهقة , الشباب .... إلخ
بس حد عمره قسمها تقسيمة تانية ؟؟
مرحلة الكدبة و الحقيقة ؟؟
طيب مرحلة الكدبة هي ايه ؟
مرحلة بتكون عايش فيها في وهم كبير
بس مش بمزاجك
لظروف معينة عندك أهلك علموك تكدب كدبة و انت صغير عشان خايفين عليك
زي بيتنا زي الفل و مفيهوش مشاكل
و لأن الظروف حواليك مش بتتغير
و الناس هي هي نفسها مش بتتغير
و المدرسة و البلد و الطين و البطيخ مش بيتغير
انت بتكبر مع الكدبة
و مهما بقيت ناضج و واعي و عايز تبقى على طبيعتك مش قادر تقول الحقيقة
و تدرك ان الكدبة بقت حياتك
و حياتك بقت الكدبة
و انت مش عارف تروح فين
مرحلة الحقيقة
فجأة تتفتحلك اللي معرفش بيسموها طاقة القدر تقريبا
و تلاقي نفسك في مكان تاني , ناس تانيين , حياة تانية
فجأة ما بقتش مضطر تكدب
فجأة بقيت مبسوط و بتقول للناس على كل حاجة
ما بقاش يهمك رأي فلان و لا علان
و طز في اللي مش عاجبه
تعدي عليك فترة و انت مرتاح و برينس و ياه على الجمال
تبتدي تنسى انت ما تواصلتش مع حياتك القديمة ليه خالص
تبتدي تكلم صحابك القدام و تدور عليهم
بعد ما عدت سنين و انت مش سامع صوتهم
فجأة تفتكر
تقفل سماعة التلفون و انت بتقول
أهلا بالريموف من لستة الفريندز في الفيس بوك
اهلا بشريحة التلفون الجديدة
هي كانت مرتاحة جابت لنفسها حاحة ؟؟
و لا من الفراغ عاوز شوية صداع ؟؟؟؟
اقتناعك بإن
الحقيقة = الراحة
يخليك يستحيل تدفن نفسك في كذبة انت ما كذبتهاش أصلا و مش عايز تكذبها
معلش يا ناس
أنا حلوة كده
ليست هناك تعليقات:
إرسال تعليق