بحاول اليومين دول
اشغل نفسي بأي طريقة
بضيع وقت في أي حاجة
بحاول أمنع نفسي من أي تفكير سلبي
كل ما أفتكر حاجة وحشة أقوم أعمل رياضة و لا أفتح النت و لا أتفرج على التلفزيون
بس حتى دول مليانين حاجات وحشة تخلي الواحد عايز ينتحر مش يكتئب بس
مفيش أمان خلاص
الواحد ما بقاش عارف يعمل ايه في نفسه
يتطمن عليها إزاي ؟
طب لو الواحد مننا حصله حاجة ؟
حيلاقي اللي يحس بيه و يسئل عليه ؟؟
و لا حيتساب لغاية ما مصيبة تجراله و يروح بلاش ؟
تصورات في دماغي عن أحوال أشخاص
بحس ساعات إنهم مش بخير و ببقا عايزة أسئل عنهم
بسئل عن ناس و ناس كبريائي بيمنعني
ناس بعرف أخبارهم من بعيد
أخبار ما تتطمنش بس مقدرش أعمل أكتر من كده
أرجع و أشغل نفسي
و أضيع وقت في أي حاجة تاني
عشان دماغي ما تفتــكرش حاجة
و قلبي يموت شوية شوية
لغاية ما أبطل أحس بيه
و أرجع أشغل نفسي تاني
ليست هناك تعليقات:
إرسال تعليق