نون أنا مبحبش أشوف دموعك
دموعك دي بتوجعني قبل ما توجعك
دموعك غالية عليا
انتي بتصعبي عليا قوي لما تعيطي بس ساعات بحس إنك محتاجة تعيطي
عشان تهدي و بزعل من نفسي قوي على إحساسي ده
ليه بنقول كلام إحنا مش حاسينه ؟
ليه بنكدب و نعلق الناس بينا ؟
ليه بنوعد ؟
جربت تحب و تتساب بدون وداع ؟
جربت تعشق و تكتشف إنك كنت مجرد تسالي ؟
جربت تتوعد و الوعود دي كلها ما يبقاش ليها معنى ؟
جربت يبقى كل مناك سعادة بني أدم و تكتشف إنه مكانش بيحبك زي ما بيقول ؟
طب جربت قلبك يبقى بارد زي قطعة جليد ملهاش معالم ؟
جربت مشاعر الحزن تاكل منك كل يوم حتة ؟
جربت تحس إن لازم تتغير و تبقى إنسان قذر عشان متتجرحش تاني ؟
جربت متنامش من وجع روحك مش جسمك ؟
جربت تصحى في نص الليل مفجوع تمسك التلفون عشان تكلم حبيبك يطمنك بس افتكرت انه خلاص مش عايزك ؟
جربت إنك تحس إنك مبقتش الشخص اللي تعرفه ؟
جربت تعيط لحد ما تنام من التعب ؟
جربت متعيطش بالأيام و تعيش و إنت ميت ؟
جربت تكره رنة تلفونك عشان الأمل اللي يبتزرع ثواني جواك و يروح بيوجعك ؟
جربت تخاف من كل حاجة حواليك ؟
جربت تكره أهلك و صحابك لأن محدش منهم حاسس بجرحك ؟
جربت تداري عن الناس وجعك ؟ عشان بيطالبوك تبقى أقوى و تنسى كأن القصة زرار حتدوس عليه و صفحة حتقلبها ؟
جربت تتمنى الموت عشان الوجع أكتر من إنك تستحمله و يوم عن يوم الوجع بيزيد مش بيقل ؟
جربت تكره روحك عشان رغم كل ده هيا لسه بتحبه أكتر ما بتحب نفسها ؟
ليست هناك تعليقات:
إرسال تعليق